60歲畢彼特被一美容專家拍片篤爆拉過面皮

美國影星畢彼特（Brad Pitt）有「影壇男神」之稱，年屆60歲的他仍然保養得好好，去年7月他出席溫布頓網球公開賽時更皮光肉滑「回春」，十足十他的舊作《奇幻逆緣》（The Curious Case of Benjamin Button）的劇情。不過近日就有位美容專家拍片表示懷疑畢佬拉過面皮。

那名美容專家Jonny Betteridge之前亦是英國「國民保健署」的醫生，他拍片表示根據種種跡象顯示畢佬秘密花100萬港元接受過手術。而Jonny亦將畢佬2020年出席《奧斯卡》時與去年7月他出席《溫布頓》時的照片作比較，他說：「呢張係佢4年前2020年嘅照片，而你可以見到佢表現出正常衰老跡象。如出現深層靜態紋、眼部和臉部中部區域嘅體積減少以及下臉部分皮膚鬆弛。」之後他再騷去年畢佬的照片：「注意到佢嘅轉變。睇下佢臉部變化，從側面睇到佢顯得更加年輕。你可以睇到下臉輪廓嘅變化，透過觀察耳仔條疤痕就可​​以睇得出呢個同整容有關。」他表示那條疤痕是典型拉面皮後的疤痕。