東網電視
更多新聞短片
內地女星唐嫣最近憑電視劇《繁花》再創事業高峰，佢同影星老公羅晉2018年結婚，婚後誕下一女，模範夫妻家庭美滿，如今事業又得意，兩人婚前上訪談節目嘅片段亦被翻炒，唐嫣自爆：「在我們談戀愛時，羅晉提了6次分手！」嚇親眾人。
唐嫣因演出古裝劇《錦繡未央》，同大佢兩歲嘅羅晉陷入熱戀，當唐嫣提到二人曾6次分手時，主持人吃驚問：「那你都有原諒他嗎？」唐嫣就自爆：「都不用我原諒，他說分手，我就將他趕出去，不給他開門，他就知道自己錯了，然後說了5個字，我真是哭笑不得，只能給他開門了。」唐嫣笑瞇瞇續說，話羅晉單膝跪地，然後大嗌：「領導，開門啦！」以幽默化解衝突，令網友笑稱學到嘢，知點樣可以氹另一半喇。
羅晉咁大膽，結婚前就已經同唐嫣分手6次。
唐嫣就次次都趕佢出門口。
點知佢轉頭就嗌「領導，開門啦」，又得米。
