東網電視
更多新聞短片
藝人伍富橋2022年同富家女友梁兆楹（Shirley）拉埋天窗，升呢成億萬駙馬，婚後愛得癡纏嘅2人亦不時喺社交網高調放閃，認真羨煞旁人。而農曆新年，孖住到處拜年嘅佢哋，竟然爆出伍富橋因偷食出事險毀容，對眼仲要腫到開唔到，認真慘慘豬！
不時喺社交網放閃。
原來新年期間，伍富橋忍唔住美食嘅誘惑，偷食芝士蛋糕同蘿蔔導致嚴重過敏，老婆Shirley亦晒出多張伍富橋因過敏導致雙眼紅腫嘅相道：「食完急救藥，起碼唞得返氣之後。」而對於老公偷食衰多口，又點少得老婆「愛的懲罰」，趁伍富橋敏感發作無氣無力之際，要求佢不斷做出搞笑表情包：「你依家畀一個兇狠嘅眼神我睇吓，哈哈…冇事冇事、你依家畀一個憂怨嘅眼神，哈哈…精神樣呢，咁最後好開心好開心係點樣？」而伍富橋雖然全程交足戲，不過就無奈道：「佢第一時間又係攞起部手機影咗相先，有冇良心呀你，我有一刻懷疑我老婆係咪真係愛我？」
衰偷食導致過敏。
老婆喪影喪記錄。
保重身體呀！
真係好錫老婆，病咗都仲繼續逗老婆開心。
好好休息啦。
真係腫到眼都擘唔開。
