安芝儇打棒球意態撩人　短褲上陣晒白滑長腿

擁有「最強外掛」稱號嘅韓國啦啦隊女神安芝儇，精緻五官及一雙逆天大長腿，令佢獲得大批忠實粉絲。日前佢喺社交網分享一段練習揮棒嘅影片，只見身穿綠色短袖球衣搭配白色短褲嘅佢，手揸球棒，等到球一靠近就即刻大力揮棒，將球打出去，相當有架勢！

不過網友都係將注意力集中喺安芝儇身上，皆因佢揮棒時不斷扭動其纖腰，動作相當撩人，再加上一雙白滑逆天長腿，令大家都被佢嘅火辣身材所吸引，紛紛留言激讚：「影片可以永遠不結束嗎」、「OMG代打！」、「安打全壘打」、「做得很好 」、「厲害」。