東網電視
更多新聞短片
Ashley Duran嘅輕熟韻味及高挑火辣身材，令男士無法拒抗！（互聯網）
對於富二代、星二代等名詞相信大家都聽得多，只係「模三代」又聽過未呢？來自美國嘅健美網紅兼性感模特兒Ashley Duran就係其中一位，而佢散發出嘅輕熟魅力，更係令人沒法擋。
缺乏自信
靚樣同好身材係咪可以遺傳呢？其他人唔敢講，但出生於美國加州聖蓋博谷，現居於拉斯維加斯發展網紅及模特兒事業嘅Ashley Duran，便以魅力十足嘅外形話畀大家知，美貌及魔鬼身材確實係可以遺傳之餘，更因佢喺模特兒界嘅人氣，而被稱為「模三代」！
原來佢嘅祖母、姑姐及母親都做過模特兒，故此佢笑稱細個時，已經有唔少親友建議佢日後投身模特兒界。雖然Ashley擁有出眾外形，但佢坦言其實一直對自己嘅外形缺乏信心，尤其每當翻開祖母等親友以前影過嘅寫真集時，更覺得自己未有條件做模特兒，反而因積極健身關係，所以大學畢業後佢成為健身教練。
喺成為模特兒及網紅前，佢係一位健身教練。（互聯網）
性感魔力令人一見傾心。（互聯網）
打響名堂
縱然練出迷人身段，並散發出健康氣息，但係Ashley卻始終未有諗過投身模界，及至2015年因為一件事，令佢燃起對模特兒兼嘅興趣。事緣係當年佢為經營健身室嘅親戚拍攝宣傳照，所以佢便請教祖母及母親點樣擺甫士及面對鏡頭，結果宣傳照出嚟嘅效果相當好，更吸引到星探嘅注意，邀請佢成為模界一員。
事實上，經過健身室廣告拍攝之後，Ashley發現自己非常享受喺鏡頭前展現美態，同時亦令佢提升自信，於是佢便作出重要決，辭去健身教練嘅工作，以健美模特兒身份登場，並先後為多個運動品牌及雜誌拍攝廣告同寫真。成功打響名堂之後，佢以時裝模特兒身份，喺拉斯維加斯開展模特兒事業，同時踩入埋網紅界，成為性感迷人嘅健美網紅，更憑住幾輯大尺度寫真，令佢嘅人氣直線飆升！而時至今日，佢仲多咗份輕熟韻味，魅力沒法擋。
身材真係Fit到漏！（互聯網）
佢笑稱如果自己將來有子女嘅話，希望佢哋能夠繼承自己衣缽。（互聯網）
Profile
出生地：美國加州
身高：170cm
三圍：36D-24-35
雖然Ashley Duran因寫真照太性感，令佢嘅社交帳號多次被封，但並無損佢嘅人氣之餘，近年更開設埋OnlyFans帳號，為會員提供挑戰尺度嘅寫真，實行以性感魔力全力吸金。
