許廷鏗被封「溫泉鏗」　守身如玉拒出寫真

歌手許廷鏗（Alfred）連日來在社交平台分享早前到日本旅行的相片，日前他上載在當地浸溫泉的靚相，相中的他只露出赤裸的上半身及麒麟臂，而且全程「兩點」不露，但亦引來網民熱烈討論。

Alfred留言：「日本第6日，對付落雨的不二法門，自己濕咗身先。集中Comment最後條片好喇，黃火車好Cute。今次冇衫褲Credit落，自許紀錄於日本湯布院。」今次Alfred激罕「露肉」，網民反應亦十分興奮，有網民抵死叫Alfred「企起身啦」，亦有人起哄：「睇黎應該係準備出寫真書，好緊張，好期待，我要10本！」不過Alfred立即拒絕：「不了。」亦有網民搞笑指「溫泉鏗，不如我幫你影啲猛烈啲激進啲」，Alfred亦同樣一口婉拒：「唔好啦！」絕對是守身如玉。