《新聞女王2》年底開鏡　監製鍾澍佳：會加入新角色

劇集《新聞女王》監製鍾澍佳今日出席活動，被追問《新聞女王2》的籌備進度，他表示：「應該年底到出年年初正式開鏡，演員嘅檔期都Block晒㗎嘞，主要係睇劇本嘅進度。（全新嘅故事還是係《新聞女王》嘅延續？）係延續篇嚟嘅，但會加入新角色，好似黃宗澤咁。

我會有新重要角色，包括兩位女主播，一忠一奸，但仲未諗到應該邀請邊個，歡迎演員搵我自薦。」談到「新女主播」條件，他坦言：「都後生嘅，不過平時我寫劇本，都係有角色設定，先至會諗fit落邊個演員到最適合，然後再作出相關嘅調整，真係需要畀時間我。」