東網電視
更多新聞短片
台灣歌手林宥嘉時隔8年推出新專輯《王 Love,Lord》，主打歌《誰不想》MV亦於日前搶先面世，並邀來金馬影后桂綸鎂擔任MV女主。而喺MV中，桂綸鎂精湛嘅演出亦喺林宥嘉心中留下深刻嘅印象外，身為人夫嘅李宥嘉更直言：「不是每一個人都需要結婚。」
新歌勁催淚。
結婚7年育有一對兒子嘅林宥嘉，表示喺呢個時代唔係任何人都需要結婚：「如果決定要結婚，要好好維護，最好的狀態下，可以做到為對方犧牲，愛對方像愛自己一樣，在這樣的狀態下不會讓對方受傷。」並透露近年身邊都有唔少朋友面臨離婚危機，因此佢認為經營婚姻係一個好重要嘅課題：「要做功課跟思考，有朋友的婚姻走不下去，也有朋友得癌症已經康復，但最後都還是離婚。」
而喺新專輯中身兼製作人之一嘅林宥嘉，透露希望藉新歌《誰不想》療愈喺感情中經歷破碎傷痛、處於失落嘅人們，而拍攝MV時喊咗成日嘅桂綸鎂，更表示：「哭了一整天，很沉浸在其中，自己也有很多被勾動起很真實的時刻，是這首歌邊聽邊帶給我的。」
金馬影后擔任MV女主角。
