東網電視
更多新聞短片

闊別樂壇18年、現年44歲的歌手黃婉君(Rosanne)日前接受電台訪問,宣傳首支個人單曲《帥起來》。在大馬出生、新加坡成長的Rosanne,02年與胞妹黃婉佩(Race)組成女子組合2R出道,千禧年代曾風靡一時囊括多個新人獎。在節目中,Rosanne親解當年2R解散的原因,「當時已經換咗第3、4個經理人,我又差唔多30歲,因為爹哋話女人30歲要結婚,35歲前要生B,我哋計吓時間,如果再搵新經理人再出碟,就好難喺35歲前生BB,當我仲諗緊嘅時候,碰巧我老公求婚,咁唔駛我決定!」

黃婉君宣傳首支個人單曲《帥起來》。
她與丈夫Derek很早訂下婚約,待他在英國修畢牙醫碩士課程後,兩人於09年12月成婚,換言之,2R解散的成因,是因為Rosanne嫁人,她並自爆未出道前,在一次聚會中認識Derek,結婚前已相戀8年,承認當年一直譜地下情是因為事業剛起步,連公司也不知道她拍拖。她結婚後,妹妹Race就去讀金融,之後返回新加坡。2R出道成名後,Rosanne傳過與安志杰拍拖,她說:「大家係朋友,因為當時我同緊我先生拍緊拖。(有冇追過你?)我唔可以講無,大家好似都有少少中意,但最後成為咗朋友。」

2R經極一時。
Rosanne婚後三年抱兩,一切都是計劃之內,「爹哋想我哋喺35歲前生完B,我真係30歲結婚,33歲就生完,可能不知不覺畀父母洗腦,佢地話唔可以一世做娛樂圈。」婚後生活一直幸福開心,「我係求主想要2個BB仔,冇諗過要生女,因為以前我哋三姊妹,自細睇住爹哋媽咪點樣擔心我哋。」Rosanne並分享妹妹Race的近況,透露Race讀Master及學做地產,因為自己做老闆十分辛苦,「妹妹嫁得好,佢先生年紀比佢大啲,好錫佢,當佢好似公主咁,好幸福。」不過,Rosanne承認當年解散沒有跟歌迷交代,自覺愧對支持2R的粉絲,出完單曲後,有計劃繼續自資出歌,甚至與妹妹復出合唱,答謝2R的歌迷。

Rosanne婚後三年抱兩。