90年代玉女黎明詩婚姻觸礁　公開出櫃認戀歌迷最轟動

歌手黎明詩今早離世，有「90年代玉女」之稱的她當年迷倒不少男士，就連組合軟硬天師當年推出歌曲《廣播道FANS殺人事件》數盡90年代圈中紅人紅事，歌詞中更有一句「黎明詩我哋支持你」，足證其人氣高企。其實她於1986年被星探發掘，之後曾選美及參加新秀，隨後加入影壇，至1991年更正式出道做歌手，橫掃樂壇頒獎禮新人獎項，包括《十大中文金曲》「最有前途新人獎銅獎」、《叱咤樂壇》「生力軍女歌手金獎」及《十大勁歌金曲》「最受歡迎新人獎銅獎」，其代表作則有《停不了的愛》、《敢恨敢愛》、《無條件的愛》及《Goodbye My Love》等。

惟她入行短短10年，便收山嫁人，自1998年與銀行家Eric Fung婚後便退出樂壇，可惜婚姻未如人意，最終離婚收場。2017年，她被指離婚後搭上同性密友Kelly，當時更大方「出櫃」，坦言接受同性戀，又親認與對方是「好好嘅朋友」，彼此好夾相處得好好。事後她又表示不後悔「出櫃」決定：「我又冇諗過成焦點嘅，係好隨意，你哋問到又覺得可以講，又唔係做啲咩壞事，自己都過咗某個年紀，都想做番一啲自己想做嘅事。」更喜獲家人朋友支持。其實黎明詩與Kelly早於30年前在英國相識，對方更是其歌迷，及後2人在港重遇一拍即合，至於黎明詩與前夫婚後則保持友好關係。