東網電視
更多新聞短片
藝人李璨琛同太太梁志瑩育有兩個精靈可愛嘅囡囡，大女李元元（Lucy）及細女李斐斐（Sucy），媽媽不時都會喺社交網分享囡囡嘅生活日常，吸引咗唔少網友關注。今日Lucy媽就透露最近兩個囡囡前後腳病，先係Lucy因腺病毒病咗成個禮拜，好返冇耐又突然間發高燒流鼻涕，咳到肺癆咁。而Sucy昨日亦突然發高燒，今日媽媽發現有好多眼膠，想必都係中咗腺病毒，Lucy媽直言今日個人係無限輪迴，一面不停幫Sucy抹眼屎及搽精油，一面叫Lucy食中藥。而貼文曝光後，一啲有經驗嘅網友紛紛出招，希望LuLu同SuSu都快啲好番！
Lucy媽透露兩個囡囡前後腳病。
Lucy病完又病。
Sucy前幾日仲好精靈。
今日發現都中咗腺病毒。
Lucy媽兩邊都要照顧。
