容祖兒拍MV頻蝦碌　演技大躍進獲讚

天后容祖兒闊別3年再推出新歌《九秒九》，昨晚聯同結他手Teddy開Live，大談製作該曲及拍攝MV點滴，對於首次挑戰一鏡到底的5分鐘故事，祖兒特別邀得著名舞台劇演員邵美君作演技指導，直言當初獲提議拍攝時，雖然有感難度高，但卻抱住一試無妨心態上陣。

由於已有一段時間沒有拍MV，加上是一鏡到底拍攝，若稍有差池便需重新再來，此舉祖兒緊張不已，以致拍攝時頻頻發生蝦碌事件，祖兒笑指拍攝時試過不慎把髮夾踩爛，而除圍裙一幕則不時整甩條辮，連搵信用卡一幕亦能夠把手袋飛到梳化上，故要不時考臨場執生技能，她還表示：「我著褲又Click住，如果大家眼利，會知我冇拉褲鏈，因為當時有件冷衫冚住就冇拉囉！」最後整個MV花了5、6 Take便順利完成，還有歌迷觀賞MV後大讚其演技，對此祖兒不諱言想睇到被讚演技有進步，更笑說：「啲演技不嬲都喺度，只係我運用適宜，做綜藝嘅時候咁認真做乜，但係拍MV就唔同，就要非常之認真。」