東網電視
更多新聞短片
內地小生楊洋去年主演嘅甜寵劇《我的人間煙火》負評如潮，但同時亦傳出佢同女主角王楚然熱戀嘅消息，雖然中間一度傳出分手消息，不過近日疑似復合嘅2人，更被拍到着同款情侶衫。然而，緋聞不斷嘅楊洋，日前（21日）又再被爆出曾同內地星喬欣拍過拖，並且喺分手後點讚前女友張天愛嘅社交網，關係認真錯綜複雜。
楊洋被爆出曾同喬欣秘戀過。
日前，一名自稱曾係張天愛及喬欣前助理嘅「鄭凱丹」，喺社交網透露2018年到2019年同喬欣拍拖，並表示社交網晒出嘅「女友視角」相，其實都係喬欣所拍，而喺2人分手之後，楊洋更不斷點讚前女友張天愛嘅甫文，令喬欣醋勁大發外，該名自稱係前助理嘅「鄭凱丹」，更公開楊洋同喬欣戀愛時嘅對話記錄，睇得出2人曾為「楊洋點讚張天愛貼文」一事，鬧得相當不愉快，喬欣更直言：「真沒想到，你能這麼對我，這個世界誰都可以，結果傷我最深的是你。」楊洋則反問道：「其實我不懂，我怎麼了？」令喬欣認真崩潰。
喬欣
張天愛
自稱係張天愛及喬欣前助理嘅網友「鄭凱丹」。
喬欣同楊洋嘅對話曝光。
