東網電視
更多新聞短片
歌手伍富橋2022年迎娶富貴太太梁兆楹（Shirley），升呢成億萬駙馬嘅佢，婚後更係愛得高調，不時喺社交網分享婚姻生活，甜蜜生活認真羨煞旁人。而喺近年不時同太太到清邁豪宅度假嘅佢，最近就化身「地頭蛇」，拍片帶大家喺當地吃喝玩樂外，更大方分享點樣玩轉泰國最出名嘅潑水節，而影片嘅豪華程度更係媲美大台旅途節目。
同老婆愛得高調。
片中所見，「億萬駙馬」伍富橋先係帶朋友去當地著名嘅戶外燒烤餐廳大歎和牛，食飽之後眾人就返去豪宅為潑水節做準備，而向來廚技了得嘅Shirley更為大家準備咗50隻雞髀及48隻雞蛋做軍糧，數量認真震撼眼球外，為咗令大家玩得盡興嘅伍富橋，更一口氣租咗7架農夫車比朋友做戰車，並透露道：「大概THB2500（約532港元）一日，包水桶和冰水，冰水淋人先至過癮！」外，更相當有心得咁表示水槍其實剩係用嚟嚇人，而最爽嘅則係水兜潑人：「一見到人就射，一見刑就射！」隨着瘋狂嘅互相射擊，氣氛更逐漸陷入瘋狂。
帶朋友去玩潑水節。
大歎和牛。
咁多軍糧，認真震撼呀！
租足7架農夫車。
好似又幾抵。
竟然係要用水兜先最爽。
未出發先興奮。
成個潑水節唯一宗旨，見人就射！
