東網電視
更多新聞短片
名模歐陽妙芝近日帶同《亞洲超星團》學員兒子方玉亨（亨亨）跟近年出道的韓國人氣男團82MAJOR其中五位成員見面，妙芝表示：「佢哋來港參加《WATERBOMB HONGKONG 2024》，我同佢哋所屬公司Great M Entertainment嘅高層認識，所以就邀請我同仔仔同佢哋見面，其中年紀最細嘅成員金到均冇嚟香港，因為個音樂節要18歲先可以入場，佢唔夠年齡。」
妙芝大讚成員們靚仔又乖巧，有禮貌兼笑容可掬：「第一次見佢哋，好開心，我哋有教佢哋用廣東話講自己個名，佢哋仲送咗張簽名CD畀我，我事前學定咗佢哋首歌嘅舞步，現場有同佢哋一齊跳。」她指亨亨向來喜歡K-pop，今次能近距離接觸韓團是一個很好的經歷：「其中一位成員尹禮燦鼓勵仔仔去韓國做練習生，仔仔都好想去音樂節睇佢哋演出，可惜佢未夠18歲唔可以入場。」
歐陽妙芝識韓團82MAJOR公司高層，仲可以安排見面。
佢都好有心，學定團體首歌嘅舞步。
佢仲帶埋參加過選秀嘅仔仔去，即被遊說去韓國做練習生。
