森美兒時一家人分一支水　袁偉豪說服張寶兒追多個

新手爸媽袁偉豪（Ben）及張寶兒為無綫育兒真人騷節目《學神爸媽Get Set Go！》任嘉賓，今次要照顧一對分別10歲及5歲的兄弟，首個任務要於10分鐘內引導兩兄弟射入相同數量的籃球，之前甩碌無極限的Ben，如今卻來個大蛻變，對小朋友多了細心聆聽，很快便與兩位小主角打成一片。

對於令小朋友學懂「分享」乃非常重要的一環，令同場的森美憶起兒時一家人一支水幾個飲的溫馨時光，他說：「以前我哋雪櫃好細，擺得一支凍水㗎啫，夏天游完水返嚟就一家人飲，三杯左右就飲晒一樽，但係一家有四個人，咁嗰三杯邊個飲呢？永遠都係爸爸犧牲。」感性的森美更哽咽說：「細個每一次食芒果時，爸爸都係食中間個核，佢會話：『你哋食兩邊啦，我食核得喇。』直到我自己做爸爸切芒果時，我都會講番爸爸呢句說話，呢啲其實都係好少嘅犧牲，但係我依家都會記得爸爸對我哋嘅愛。」節目尾聲，森美建議Ben及寶兒快快追多個小朋友，Ben即甜笑問老婆：「生多個喎？」寶兒則笑笑口答應，場面冧爆！