羅啟豪Busking惹哄動　「四面台」獻唱逼爆街巿

《中年好聲音》季軍羅啟豪正忙於籌備月底與另外十位中年好聲音歌手的演唱會，仍不忘為自己的單曲《相信　相信》宣傳，人生首次Busking，他選在中環街市演出為首站，是次Busking名為《相信 相信 • 羅啟豪 Believe in Ramon Lo Busking Tour》，將會走妥港九新界，他想藉此實踐個人願望：「因為屋企人經營餐廳，所以知道經營小店有幾困難，疫情為香港經濟帶嚟唔少衝擊，所以平時都盡量幫襯小店以及本地品牌。呢度就有好多呢類型嘅商店，同埋呢度係一個活化咗嘅歷史建築物，所以特別鍾意，入行前都成日嚟。」啟豪甫開唱時大搞氣氛，指首次在「四面台」演唱，原因他演出的位置四面都企滿觀眾，今次Busking他請來中年好聲音亞軍李佳與他合唱《當愛已成往事》，令人聽出耳油，到唱完最後一首歌後，現場觀眾竟然大叫Encore，於是他再演唱《疾風》，全場仲大合唱，氣氛熾熱。