東網電視
更多新聞短片
前天堂鳥成員葉泓聲（Gordon）和太太陳樂榣（Ally）合資的首飾品牌九龍分店今日（15日）開幕，兩夫婦帶同9歲的大女Aria及9個月大的細女Gia出席新店開張儀式，一家四口宣傳專為慶祝父親節的男裝首飾系列，好友黃建東到賀。
活動上，Aria送上親手畫的畫作給繼父Gordon ，冧到他即時攬住愛女錫一啖，Gordon接受訪問時表示：「Aria尋晚匿喺房親手整畀我，我想入房睇吓佢做乜，佢都喝我，叫我出返去，唔畀我知。（囡囡成日恰你？）係呀，真係『前世』。（收禮物係咪好開心？）佢做小小嘢，都會令我好感動，之前母親節佢送禮物畀媽咪，冇我份 ，我都呷醋。（點慶祝父親節？）因為我要去佛山拍《巨塔之后》，所以要提早食飯慶祝，不過我有空檔會趕返嚟香港嘅。」
談及首飾品牌開第二間實體店，Ally歸功老公：「因為佢識人，所以租金唔係太貴。」而Gordon就讚老婆識做生意，其首飾品牌已營運了10年，而自己生意多數損手收場，他說：「我就係衝，佢就係保守做。」
葉泓聲一家四口現身。
葉泓聲與太太合資搞生意。
葉泓聲要提早食飯慶祝父親節。
陳樂榣獲老公讚識做生意。
