東網電視
更多新聞短片
台灣著名主持人陶晶瑩（陶子）年初陷涉向供應商入貨走數事件，不過佢仍是非不斷，今次佢就上載一則新聞貼圖，當中以簡體字撰文，疑有人假冒媒體名義發文指佢因「額外收入」問題遭政府扣留。
文章內容指佢上台灣資深媒體人陳文茜節目時，意外透露額外收入，雖收入合法但官方認為佢可能洩漏有損台灣經濟嘅敏感信息，相當震驚，仲話下令拘留之佢。另一張相就見到假陶子社交網頁面，「陶子」以簡體字發文稱：「沒想過陳文茜會這樣對我」，並配上佢喊到妝都花晒嘅相，內容極為誇張。
以為有圖有真相，點知係假新聞。
陶子感謝提醒她假帳號假訊息的網友，直言：「這些假帳號怎麼這麼會編？！謝謝很多朋友提醒我，但是我們也沒辦法⋯最近有關於我的新聞、只有演出是真的！話說如果我被「釋放出來」了，大家要不要在6/29北流來看我？#假帳號#假新聞#天公伯啊」難得佢以幽默方式回應假新聞，仲藉機宣傳新作。不過今日（19日）佢再晒出同韓國人氣女團(G)I-DLE成員葉舒華、賈靜雯、柯震東等藝人飯局相，心情明顯冇晒事，仲自證冇被拘留，仍可外出見朋友。
陶晶瑩（上排左一）被傳因額外收入而遭拘留。
不過佢依家仲可以出街食飯，就知唔係真事。
佢仲順勢宣傳新作。
