許廷鏗做波友靠朝聖利物浦　見證高普最後一場

歌手許廷鏗（Alfred）最近以代言人身份拍攝啤酒廣告，當中他一人分飾3角包括上海灘大亨、球場波友等角色，造型相當百變，Alfred表示：「今次拍攝考我踢波，又考我做上海灘大亨，好彩之前去咗利物浦『補鐘』，再睇埋周潤發嘅許文強演出，今次一人分飾幾個角色實有100分表現。」

Alfred今年五月原來更去了英國利物浦晏菲路球場「朝聖」，一睹領隊高普完成最後一仗，大為感觸。他更有機會做一日利物浦球員，與傳奇球星科拿（Robbie Fowler）及高巴拿（Bruce Grobbelaar）切磋球技，認真威水。