《造星V》樂隊ROVER搞騷告別九展　免費任睇展不捨

ViuTV選秀節目《全民造星》（簡稱《造星》）的發源地，九龍灣國際展貿中心將於6月30日結束營運，作為最後一批透過《造星》素人由九展走進樂壇的樂隊ROVER 4位成員卓金樂（Kim）、雷濠權（Jason Loi）、陳鎮亨（亨仔）與王希晉（希晉），將於27日晚上八時，在九展中庭舉辦免費《Rover告別九展音樂會》，務求用音樂與大家一起重溫九展過去帶給大家滿滿的音樂回憶。

面對九展要拆，ROVER眾人非常不捨，隊長Kim說：「九展唔單止係我哋成長睇騷嘅地方，《造星》時無數晚上同其他參賽者嘅努力、第一次演出、所有汗水同淚水、甚至最後成就咗ROVER，九展充滿好多難忘回憶。九展要拆，感覺有少少似學校被拆，好唔捨得。」今次演唱會不設發售門票，全免費歡迎大家到時在中庭不同位置坐下欣賞。成員希晉再補充說：「1小時演唱會，會有我哋新歌《回魂術》首次公開演出外，仲有唔同前輩歌手嘅歌曲，以見證九展過去音樂上嘅輝煌時間，同時有個簡單儀式同大家一齊告別九展，希望到時見到大家。」