東網電視
更多新聞短片
視頻觀看次數: 9.8k
今日係6月24日農曆五月十九,今日幸運星係雙子座，正財運上升，不難憑工作表現獲加薪機會。雙子座嘅「新疆四美」之一迪麗熱巴，呢排進軍音樂界，推出咗新歌《第十幕》，甚至展現舞蹈實力，喺MV入面大騷性感舞姿，之不過就引起爭議，有網民指出MV嘅舞蹈動作，係抄襲韓國女團BLACKPINK成員，Jennie嘅個人單曲《Solo》，但係完全冇影響到熱巴嘅狀態，喺綜藝節目《開始推理吧2》入面，以黑天鵝造型登場，十分驚艷，今日財運佳，只要Keep住最佳狀態，事業肯定可以更上一層樓。
「新疆四美」之一嘅迪麗熱巴呢排進軍音樂界，推出咗新歌《第十幕》。
熱巴喺MV入面大騷性感舞姿，展現舞蹈實力。
不過有網民指出MV嘅舞蹈動作涉嫌抄襲。
雖然有抄襲風波，但係都冇影響到熱巴嘅狀態，熱巴喺節目入面，以黑天鵝造型登場，狀態大好！
完全冇受爭議影響，期待之後有更多作品！
最旺嘅生肖係肖馬，財運大好，易有得財和收禮物嘅機會。肖馬嘅何啟華，早前同MIRROR以及ERROR嘅成員，一齊開咗一夜限定演唱會，佢同楊樂文(Lokman)、王智德(Alton)，係粉絲期待咗好耐嘅「無悔三兄弟」終於同台演出，唔單止重新編製《放低燈牌金腰帶》，更帶來新歌《遲到早退》，令唔少粉絲大感驚喜，更紛紛喺社交平台留言，期待見到佢哋派台，今日財運咁好，不如乘勝追擊發展事業，可能有更多新舞台同曝光率，自然唔驚冇得財機會啦。
何啟華早前同MIRROR以及ERROR嘅成員，一齊開咗一夜限定演唱會。
而佢同Lokman、Alton嘅「無悔三兄弟」終於同台演出。
今次表演真係落足心機，除咗重新編製《放低燈牌金腰帶》，更帶來新歌《遲到早退》。
唔少粉絲都話，期待見到佢哋派台，唔知之後會唔會滿足吓粉絲呢？
