東網電視
更多新聞短片
前港姐亞軍龐卓欣（Ada）2015年參選香港小姐，於首輪面試就以「寸嘴Ada」之名突圍，加上佢曾同當屆冠軍、「十優港姐」麥明詩做同學，身後又有位富爸爸，一直都係賽前大熱，不過佢當選後好快就離開娛樂圈，轉為發展KOL事業，更於6年前已賺夠，富貴入市買樓。
龐卓欣轉行做KOL之後，風生水起買樓又嫁人。
佢重提選美回憶，一開始佢都驚驚。
仲獲封「寸嘴Ada」，多少都有壓力。
日前佢拍片大談選美點滴，又自爆差啲退賽，仲要急call媽咪求安慰，最終得鼓勵下繼續參選，先會有今日成就：「我冇參加香港小姐呢，就應該唔會做到好似依家咁樣嘅influencer，或者教唱歌亦都可能會難啲有學生。」龐卓欣又憶述當年搭車到電視城時，被車外追訪嘅記者嚇倒，更有一刻想退賽：「始終呢個場面我自己係未試過嘅，所以當我見到咁多記者湧上嚟然後影相呢，我嗰時係諗住即刻縮沙㗎。」之後佢打電話畀媽媽，直言唔想繼續參選，但媽媽就鼓勵佢勇敢嘗試：「如果我嗰陣時唔係打電話畀我媽咪，我諗我都真係會掉頭走咗，然後冇參加過香港小姐。」更加冇依家嘅網上人氣及知名度。
佢都話差啲就退賽。
不過佢都知依家人氣都係靠當年參選得嚟。
賺到錢都係開心事。
