菊梓喬期待愛情來臨:我都一把年紀囉!
2024年07月13日 21:01
東網電視
更多新聞短片
![](/hk/bkn/cnt/entertainment/20240713/photo/bkn-20240713210118152-0713_00862_001_01p.jpg?20240713200541)
歌手菊梓喬(Hana)近日接受訪問,提到早前在《第45屆十大中文金曲》勇奪最佳中文唱片獎,她表示很感謝歌迷:「真係好感激依家仲有人真金白銀去買唱片,有時去唔同地方登台,歌迷拎住一大疊唱片畀我簽名,真係好感動。」講到加入新的唱片公司,她坦言非常習慣:「因為入行半年之後已經同老闆何哲圖(Herman)簽約,而新公司嘅班底都係一向合作開嘅同事,所以非常放心。」
講到歌路方面,她希望走浪漫搖滾嘅風格:「我都係循呢個方向創作,一種好激昂、好轟烈、好Rock嘅戀愛態度,唔係嗰種細水長流、淡淡然嘅愛情感覺! 」她指這也是其愛情觀, 雖然可能現實實現不到, 但希望把這種幻想放入歌曲中。
很多女歌手為專注事業而放低愛情,但她就非常歡迎愛情的來臨:「講真,我都一把年紀囉!有對嘅人當然唔會錯過啦!何況依家都冇藝人唔可以拍拖呢樣嘢!雖然我由細到大都習慣照顧人,但搵對象都希望搵到一個能夠照顧我嘅人,當我係掌上明珠,想有小公主嘅感覺。」她謂如果找到對的人,不排除亦不介意閃婚。
另外,她早前透露自己在家裏設計了一個創作空間:「好開心可以喺屋企,搵到一個有海景一望無際嘅地方作為創作空間,感覺好舒服,因為咁樣而寫咗好多歌,但因為公司要求比較高,希望喺一個月之內可以有新歌帶給大家。」
而在訪問中,她更分享她人生中之最,她指最討厭的就是吃辣:「我係一啲辣都唔可以接受,如果唔小心食咗辣嘅嘢,我會變到好煩躁同發脾氣,打人甚至亂丟嘢!」而講到她最愛就是令自己開心:「我好鍾意氹自己開心,例如今日開工前會獎勵自己睇一套好鍾意嘅卡通片,當日心情就會變到好好。」至於她最嬲就是別人駁嘴:「可能我係大家姐嘅性格,人哋駁嘴,我會好嬲,可能自己EQ低啦,但我好肯定我會係一個好媽媽,我會選擇以放養式去養育小朋友,所以佢哋絕對唔會駁嘴,所有小朋友都好喜歡我。」