東網電視
更多新聞短片
「蔥頭」丘梓謙於無綫熱播劇《反黑英雄》內，扮演已故鄭啟泰的兒子，因父親殉職慘死而誤入歧途，並與江湖中人林偉結怨，最終獲張振朗打。梓謙今次要應付不少動作場面，昨晚一幕與陳山聰角力，更由高處追到地面，全程喪跑，畫面相當緊湊。
梓謙受訪時表示，自己與山聰都親身上陣，但由於不約而同都畏高，所以事前準備功夫自然少不了﹕「嗰度大概3層樓高左右，我本身真係驚，但試咗好多次，師傅慢慢放我落去、再慢慢拉番我上嚟，畀我試嗰個距離感，試咗兩、三次之後先正式拍。」他又感激山聰謂：「佢同我講唔驚架，你要信師傅同武指，否則所有動作會做得好奇怪。佢話佢都畏高，但佢都親身上陣，而且已經擒咗上去﹗」
談到在旺角喪跑戲，他再說：「嗰朝八點幾已經喺金魚街開始跑，之後就轉戰花園街拍。因為想要市民唔知咩事嘅感覺，所以都冇乜試位就開始，依家出街見到嘅市民反應，係真反應嚟。」
好驚呀！
全程喪跑！
丘梓謙同陳山聰角力。
睇見都驚！
丘梓謙獲張振朗打救。
