咪睇糖妹生得矮　原來打過籃球校隊

歌手糖妹今日（14日）以表演嘉賓身份出席跳繩活動，在台上高歌《我的驕傲》大展歌喉。她透露近期工作行程相當繁忙，要頻繁中港兩地跑，稱早前在新疆拍攝完旅遊節目，緊接着又要到長沙為內地直播綜藝節目《歌手2024》進行錄製，然後明天就要出發到廣州為20號的演唱會作排練，又指音樂會門票都已經售罄，大感安心：「廣洲喺第一站，之後陸續都想內地有其他站數，因為出新歌，雖然喺翻唱作品，但有重新編曲，之後都有自己嘅歌推出。」

講到活動，她表示好開心可以見到很多以前一同學唱歌的老朋友，原來孩童時期的糖妹是運動健將，精通打籃球和越野跑，更曾是兩個運動的校隊隊員：「打籃球其實主要想增高，雖然冇用，但都因為咁同運動結下緣分，之後以歌手嘅身份參與唔同體育活動，同埋為小朋友體操唱主題曲，圓咗我嘅運動員夢想。」又憶起當年跑越野跑時從石硤尾跑到又一城的辛酸，不過最終發現人外有人，永遠都有比自己更厲害的人，所以才轉型投奔歌手之路，笑言：「唱歌都喺好好嘅運動，口部運動。」