于文文秘密來港拍MV　過百粉絲接機靠《浪姐》爆紅

內地一線女歌手于文文靠首本名曲《體面》成名，近年再因真人騷《乘風破浪3》再度爆紅，估唔到專注內地發展嘅佢，原來日前秘密訪港拍攝粵語歌曲MV，仲吸引到超過百名粉絲接機，受歡迎程度超乎想像。佢仲出名係機場時尚達人，見佢當日一身薯片品牌裝束，又戴漁夫帽，白色小背心及短褲引死人，小蠻腰同迷人長腿引起粉絲尖叫。

其實于文文上個月亦秘密來港，仲去埋景點打卡，品嘗港式茶餐廳西多，好食到驚嘆不已。今次佢就去旺角、銅鑼灣等鬧市拍攝，大熱天時佢仲着厚披肩及長靴，表現專業，同行亦多達10幾位工作人員陪同，風頭勁卡士十足。