東網電視
更多新聞短片
前TVB藝人「細細粒」陳嘉佳自離開TVB後，便轉戰內地，從演員變身成為網紅，帶貨仲非常成功，早前積極減磅的她，竟成為不法之徒的目標，利用她的名字、相片以及減肥成果，去大賣減肥藥，陳嘉佳發現後，相當憤怒，由於不法之徒所售賣的減肥藥來歷不明，分分鐘搞出人命，細細粒立即拍片溝清：「我從來無食過個隻減肥藥，亦無向人推介過，大家千祈唔好上當！因為我唔知道源頭，畀唔到律師信佢哋，若果大家有更多資料，隨時告訴我。」被不法之徒利用，當然令人氣結，網民紛紛留言安慰細細粒，亦有網民「錯重點」大讚成功減肥的細細粒，愈來愈索。
陳嘉佳肯學肯捱，在內地直播帶貨，成績相當之好。
因身體響起警號，令細細粒立定決心減肥，成功由「大大粒」變成「細細粒」。
不法之徒利用她的肖像售賣減肥藥，由於事態嚴重，細細粒即拍片澄清。
