中年好聲音︱梁浩銓被債主追數80萬 群起追債截圖曝光
2024年08月14日 13:01
東網電視
更多新聞短片
![](/hk/bkn/cnt/entertainment/20240814/photo/bkn-20240814130108525-0814_00862_001_01p.jpg?20240814233830)
《中年好聲音》參加者近日是非多多,38歲的曹敏寶今年年初被爆出疑與人夫梁浩銓有婚外情而被公司雪藏。有指梁浩銓跟無綫解約後,繼續經營其音響工程公司的生意,但近日竟然傳出被疑似債主公開追數。
曹敏寶和梁浩銓被爆出婚外情後,先後為事件解畫,曹敏寶稱得到老公的信任和全力支持。而梁浩銓當時坦承與懷孕太太因夫妻問題暫時分居,潛水數月後就澄清與太太早已和好如初,只是太太不喜歡他做幕前。不過近日梁浩銓再度是非纏身,有疑似「債主」踩入《中年好聲音》的社交網粉絲討論區公開追數。
疑似債主在討論區撰長文指梁浩銓欠債纍纍:「中年好聲音第一屆第十二強梁浩銓欠本人數萬,本人誤墮梁浩銓音響工程投資陷阱,已多次追討不果,由年頭年三十晚開始追討,連二月中幫佢番咗兩日Part Time嘅人工都無出,嗰度每日番咗12個鐘,直到現在足足三個月仍未能追討,梁浩銓用咗好多藉口不還錢,經常用轉頭入、戶口被凍結、網上銀行用不到為藉口。」疑似債主續稱:「我開頭以為佢剩係欠我一個人錢,原來唔係,佢開咗債主群組,加晒佢欠人錢嘅債主入去(包括我),欠嘅數目超過80萬,但一蚊都無還過畀我哋,我哋成班苦主,搵極佢都搵唔到,佢剩係識得逃避,我之前已經爆過佢欠款嘅事,佢喺被訪問中話會處理,但到依家無處理過。」
疑似梁浩銓亦有回應債主,他表示曾有逃避但現時會承擔問題:「感謝大家,同大家講聲對唔住,我之前做錯咗,但希望大家高抬貴手,而更加希望我可以盡快解決咗呢個問佢。」其後相關的追數貼文已被刪去,梁浩銓回覆傳媒時直認欠債,並透露總數比80萬還要多,更指自己有跟債主們協商,整不斷工作去填補款項。
東網亦收到讀者報料,提供了多張疑似追債群組內的債主向梁浩銓追債對話截圖,當中見有逾10位債主。梁浩銓在Group內先表達出自己的處境,表示「會正視問題,唔會拖住拖住。」並表示已透過不同渠道和工作去調動資金,並向債主表示自己「之前做錯,向大說對唔住。」
雖然字裏行間表達出還款誠意,但在往後的截圖見債主不停發訊息給疑似梁浩銓,但卻未有回覆,債主表示「依家點?」、「啲錢幾時有?」、「要趕住交租」,但最終都未獲回覆,債主最後無奈地留下一句:「你開個債主Group做咩呢?開完又係走數,嘥x氣。」