Scarlett Jones 唔做律師拍四仔
2024年08月17日 23:00
東網電視
更多新聞短片
有樣有身材又有學歷嘅Scarlett Jones，喺脫界人氣相當高。（互聯網）
喺唔少人眼中律師係何等高尚嘅職業，只係有位索女竟然放棄做律師，反而選擇下海做脫星拍四仔搵食，佢就係來自英國嘅Scarlett Jones，唔知大家有冇睇過佢演出嘅作品呢？
無拘無束
縱使性格有幾反叛，相信唔少有人都會將自己同前途掛鈎，做番份正當職務，因此當初Scarlett Jones選擇投身四仔界時，佢嘅家人都大表震驚！
出生於英國中部城市諾丁漢嘅Scarlett Jones，自細生長於一個中產家庭，由於父母管教嚴厲，故此佢由小學到中學時期嘅生活都相當循規蹈矩，每日都係返學、放學及回家做功課，亦因為咁，好少機會接觸到異性。升讀大學時，佢更修讀法律，而父母都寄望佢將來會成為律師，前途無限。不過大學畢業後，佢嘅人生就唔同晒，因為佢搬離屋企自己一個人住，生活變得自由自在、無拘無束，佢坦言好似去咗新世界咁Free！事關佢終於可以將潛藏嘅反叛性格釋放晒出嚟，唔單止唔着衫通屋走，仲走去夜店跳脫衣舞，雖然家人知道之後強烈反對，卻仍無阻佢銳意發展成人事業。
未來脫后
憑住迷人嘅外形及火辣身材，Scarlett Jones唔單止成為夜店嘅脫衣舞王后，更被脫星事務所睇中邀請演出四仔。原來佢一直都幻想自己有朝一日，能夠喺床上跟男優激戰，因此佢二話不說便答應，投身脫星界搵食喇！甫出道，佢就為四仔影片網站WankItNow演出處女作《I Think We Can Make a Deal》，雖然呢部作品只喺網上發行，但卻備受四仔迷關注，令佢人氣急升，唔少四仔評論員更大讚佢嘅演技同床技都一流，未來有望成為脫界天后。
及後，Scarlett Jones挾住人氣，食住個勢進軍裸模界，推出多輯全裸寫真，盡情滿足晒男士嘅眼球。不過問到有冇興趣發展網紅事業時，佢就表示自己嘅四仔演出仍有待磨練，加上模特兒工作相當忙碌，故此暫時未有此考慮喎！
Profile
出生地：英國
身高：167cm
三圍：35G-24-35
喺脫界極速冒起嘅Scarlett Jones，雖然未有意發展成人網紅事業，但佢仍經常喺網上分享性感辣照，令佢嘅X帳號擁有超過37萬粉絲，相信佢成為成人網紅只係遲早嘅事。