葉泓聲宣布兩年抱兩趕追龍B：太太叫我要去結紮

前天堂鳥成員葉泓聲（Gordon）與太太陳樂榣（Ally）去年誕下愛情結晶品Gia，昨日齊為女兒舉行1歲生日會，一眾好友均現身慶祝，包括Ally契妹楊梓菁，亦帶同兒子到賀，席間Gordon夫婦向在場好友透露喜訊，Ally再度懷孕，預產期為明年1月中，預計可趕及追龍B。對於兩年抱兩，Gordon笑言：「Ally知道我太喜歡小朋友，驚我遲啲又想再生BB，叫我去紮咗佢，不過3個夠晒數嘞，我要更加勤力做生意同埋演藝事業雙飛，等太太唔使咁辛苦。」

被問到為何那麼趕急再懷孕？Ally表示：「我同Gordon一早有共識想要生2個，再加上我個女Aris就3個夠晒數，亦好感恩又畀我哋願望成真，依家BB有4個幾月，已經照咗係囝囝，所以好開心，生完就可以收工嘞！」更大讚Gordon基因好，Gia非常可愛靚女，加上Gordon顧家又細心，照顧Gia周到之餘，對大女Aria一樣用心，促使她再追多個，不諱言現時大女已獲悉將做大家姐，並主動表示會用零用錢買生日禮物給妹妹。