羅力威湊仔慘過返工　密謀全面復出

久未露面的歌手羅力威今日（18日）現身尖沙咀為活動擔任表演嘉賓獻唱歌曲，獲20多位粉絲到場支持，他演出前表示已有一段日子沒有公開表演故心情興奮，但對選曲就有點難度，最終揀選了一首難度高的《雙子情歌》打頭陣，看能否唱出以前的水準，期間又不時詢問現場觀眾自己表現，看來相當緊張。

他受訪時表示近年主力湊兩個小朋友，亦有接幕後工作，笑指發覺原來湊小朋友比工作還要辛苦，於2年前跟公司完約，現為自由身的他，表示對工作持開放態度，不抗拒再簽公司，又透露一直有寫歌，並快將推出新歌：「寫咗幾首，已經錄緊第一首，都係圍繞身邊家人、朋友，呢幾年經歷好多離別。」他笑指主要慢歌為主，暫時未有跳唱考慮。

提到他之前似乎刻意收起自己，他坦言或因自己性格內向有關，現在有意全面復出：「依家都想多啲出嚟，（唔使湊小朋友？）大女4歲識行識走，係湊1歲半囝囝辛苦，交畀太太。」他又指女兒有音樂天分，唱歌音準及拍子也很準，笑指應該是來自父母遺傳，又指仔女樣子都生得很標致，笑言比較像他。