譚耀文夢想做DJ　首次報導天氣獲讚

藝人譚耀文（阿譚）日前接受電台訪問，在主持鼓勵下，首次在直播室客串報導天氣，獲讚字正腔圓，他表示自小愛DJ播歌，覺得DJ聲線動聲，原來小時夢想是做一位DJ，這次算是一償所願。阿譚1988年參加新秀歌唱比賽入行，他笑言當時表演慾作祟所致，回想起來覺得自己很有勇氣:「當時冇諗過入唔入娛樂圈，冇野心同機心，只係覺得自己鍾意呢件事，如果入到行就好，可以做自己鍾意嘅事。」入行後，阿譚成為梅艷芳第二位入室弟子，帶着他四出登台，令他見識不少。之後由歌手跳入影視圈作三棲發展，直言演戲難過唱歌，「做戲要成日扮第二個人，有啲角色我自已都唔鍾意，但故事又好好，所以好糾結。」阿譚亦有一個獨特的方法去揣摩角色，就是聽歌，找一首適合該角色的歌去聽，聽得多感情便會自然流露。

由阿譚主唱的與電影同名的主題曲《拼命三郎》，他提到唱歌最緊要放鬆膊頭，放鬆後，歌聲便會流暢，他又透露希望明年一月前再推出新歌，及會舉行粉絲聚會，「我成日睇佢哋嘅留言都好唔好意思，好似爭咗佢哋好耐，今次真係找數。」