陳展鵬一家三口變身「殭屍家族」　小豬比嘟嘴賣萌勁精靈

視帝陳展鵬與太太單文柔及女兒小豬比(Quinta)於今日萬聖節都來趁熱鬧，齊齊變身「殭屍家族」，觀感度爆燈，甚有誠意，原來全都是小豬比的主意。靚爆疆屍夫人造型示人的單文柔於社交平台Po相並配文:「呢輯相係為Quinta而設，佢嘅節日感應該係遺傳我，haha！話說學校有Halloween party，放學後佢話今年萬聖節要扮壞人，佢話我哋全部都要扮壞人，因為我哋做咗壞人生咗佢先係壞人！我買咗衫返嚟之後，急不及待要試，仲玩咗一個下午捉壞人遊戲。」展鵬同單文柔呢對父母真係唔話得，為咗個女陪玩到底。

至於無綫小花何依婷及廖慧兒都有到主題樂園應節，依婷化身黑魔女，穿着黑色露背裙的她，大晒白滑玉背，好鬼養眼。至於廖慧儀雖然妝容一般，但穿着一身銀色露腰裝的她，都好醒神。