東網電視
更多新聞短片
台灣天后蔡依林（Jolin）唱功了得，人氣紅遍華人地區嘅佢，一舉一動備受關注嘅同時，就連昔日情史都係網友嘅茶餘飯後話題。其中，曾同蔡依林拍拖6年嘅藝人錦榮，喺同蔡依林分手後則同日本巴西混血名模香女明美Akemi擦出愛火花，一直互稱係朋友關係嘅2人，直到被影到熱吻照先公開認愛，可惜公開戀情後僅維持5個月就告吹。
同蔡依林6年情斷。
錦榮近年轉戰荷里活發展。
之後同日本巴西混血名模香女明美Akemi一齊。（圖：中時電子報）
之後，2019年錦榮同美籍韓裔女演員Kirstin Leigh傳出戀情，2人因同一經理人繼而相識相戀，並被台媒直擊2人喺籃球場上約會畫面，情到濃時女方更坐上錦榮大腿忘情熱吻，認真打得火熱。公開認愛後，錦榮更大方分享同女友嘅同居生活，甚至喺2021年一齊出席狄維莊遜（Dwayne Johnson）嘅《Red One拯救隊》首映會，不惜喺今年（2024年）初2人已經互刪社交好友，並刪除所有合照宣告5年情斷。直至日前去咗南非旅行嘅錦榮，喺一段酒店影片中，更被鏡子出賣新女伴，雖然目前錦榮未有公開新嘅感情狀況，但曖昧關係始終令難忍唔住往情侶方向做聯想。
近年就同美籍韓裔女演員Kirstin Leigh打得火熱。（圖：中時電子報）
可惜今年年初都係分手收手。
