東網電視
更多新聞短片
「宇宙天團」ERROR事隔兩年，宣布明年1月25日假香港會議展覽中心再次開騷，繼續以包羅萬有的現場演出，為一眾粉絲樂迷送上爆笑一夜。演唱會門票日前正式開賣，門票雖然未去到「秒殺」情況，但銷情理想，ERROR自然順勢想谷飛，望加場與大家玩多晚！
ERROR明年1月開騷。
開Live谷飛博加場！
花姐被五花大綁巡遊。
為催谷門票「博加場」，ERROR日前齊人開Live，當一眾Fans坐定定準備睇四子久未齊人Live，驚喜出現，ERROR帶同五花大綁的花姐出現，突發Re-U《花姐ERROR遊》。花姐身上的麻繩明顯縛得很鬆，但配四子的嘴賤，笑料百出，唔少得當然仲有大家期待花姐鬧人畫面。至於全個Live最高潮，當然是花姐要四子各人即席solo跳舞外，花姐亦獻出處女下海大跳ERROR新歌《野舞士》，霸氣叫話：「唔買飛正X街！」而Dee哥又預告會落區派宣傳單張，希望為演唱會成功加場！
笑料百出。
之後還會落區派傳單催谷門票。
