東網電視
更多新聞短片
歌手林奕匡（Phil）和主持人太太李靄璣（Rikko）今年過了個最特別的聖誕節，皆因首年有寶貝仔Darrien陪伴，可以一家三口齊齊在聖誕樹下影全家福，與BB家中度過，Rikko接受訪問時大讚囝囝好叻：「24號，佢要去打針，好彩今朝起身冇發燒，仲好精精神神。」
林奕匡李靄璣一家三口咁見人。
Rikko又謂：「上年12月，我哋返咗加拿大同屋企人過聖誕嘅時候，我就啱啱知自己懷孕，12個月後，我就可以抱佢入懷，感覺好神奇。而且佢個樣真係好大個，已經似足個1歲嘅小朋友，但係佢只係4個月大咋，可能佢頭髮夠多，表情又夠多，佢天生對鏡頭好敏感，所以同佢自拍影相冇難度。」
現已全面復工的Rikko，近月頻頻主持音樂與藝術相關的清談活動，與城中具人氣的音樂人、演員傾談創作趣事，最開心當然是可訪問老公Phil，兼且可乘機跟她結婚時，擔任Phil兄弟的好友馮允謙敍舊，還和人氣偶像如MIRROR成員Edan及Jer傾談。
幸福一睇就知。
Rikko亦已全面復工。
有Job賺奶粉錢。
