東網電視
更多新聞短片
相樂伊織嘅可塑性極高，除咗化身女戰士，喺下廚方面都幾在行。（互聯網）
男人一講到擇偶條件，成日會將「入得廚房、出得廳堂」呢8個字掛喺嘴邊，查實家陣嘅女仔相當能幹，甚至可以為理想上埋戰場添！好似今日為大家介紹嘅相樂伊織，就係一位美乳女戰士！
偶像出身
日本藝能界有好多大型人氣團體，除咗有AKB48、SKE48、NMB48呢個陣型，仲有所謂坂道系列，當中包括乃木坂46、日向坂46同櫻坂46，而出身於埼玉縣嘅相樂伊織，就屬於乃木坂46嘅前成員。
今年26歲嘅伊織，個樣生得溫文爾雅，氣質屬於高冷型，收起笑容嗰陣，Cool到有啲嚇親人，但笑起上嚟又散發出治愈能量，若然有多啲機會拍劇，分分鐘可以成為新一代日劇女王！身材方面，伊織嘅胴體白嫩，有前有後，心口對飽滿D奶夠晒分量，輕輕趴低擺個俯伏姿勢，已經夠晒誘惑！
偶像團隊出身嘅伊織，樣貌娟秀，氣質迷人。（互聯網）
轉為單飛以後，阿妹嘗試向多方面發展，包括加入寫真界。（互聯網）
活躍舞台
相樂伊織早喺2013年取得乃木坂46嘅入團資格，但因為年紀太細，學校反對，要等到高中畢業先正式出道。奈何團內有太多高質成員，伊織嘅星運平平，及至離團轉單飛，喺幕前嘅活躍度反而有所提高，除咗擔任模特兒，仲踏足舞台劇界別，而首部作品係《DARKNESS HEELS〜THE LIVE〜》，喺劇中負責扮演嫉惡如仇嘅女戰士卡米拉。
事隔多年，伊織喺近日再次披上戰衣，於舞台劇《7SEEDS～春天篇～》入面扮演女戰士，睇番佢嘅造型，確係好適合扮演強悍角色，唔知日後有冇機會以打女身份亮相大銀幕呢？查實，伊織嘅可塑性極高，除咗化身女戰士，喺下廚方面都幾在行，分分鐘以廚師身份主持飲食節目都冇問題。
深受唔少籃球迷喜愛嘅伊織，試過擔任職業籃球聯賽嘅宣傳大使。（互聯網）
阿妹嘅身材唔錯，簡單擺出一個甫士已夠晒吸睛。（互聯網）
Profile
年齡：26歲
身高：5呎5吋
三圍：34D-23-34
近期相樂伊織忙於為舞台劇演出進行綵排同宣傳，登入其社交網，就會知道相關消息，仲會搵到唔少靚相。
