東網電視
更多新聞短片
視頻觀看次數: 1.2k
《第82屆金球獎》即將於香港時間明日早上舉行，被視為「金球獎前哨戰」的《第36屆棕櫚泉國際電影節》（PSIF）周五（3日）於加州率先舉行。
妮歌紅地氈巧遇Ariana，高矮懸殊！
妮歌彎低身與Ariana擁抱。
場面搞笑！
一眾荷里活巨星均有出席，其中包括多位有份爭奪「金球獎」的紅星。被視為今屆《金球獎》影后大熱的澳洲女星妮歌潔曼於《PSIF》獲頒「國際之星獎」，以銀色「小鳳仙」性感造型亮相的她於紅地氈上巧遇唱而優則演的美國天后Ariana Grande，2人即互相問好，身高1米80的妮歌拍埋1米54的Ariana高矮懸殊，妮歌更要彎低身與她擁抱。
妮歌上台領獎時提起先後過世的父母，她一時悲從中來落淚，她表示：「我整個事業都係獻給我媽媽同爸爸。佢哋依家已經唔喺度。但我希望繼續努力工作，繼續為呢個世界奉獻。對唔住，我喊咗。我唔想咁樣，但我呢一刻感受到我媽媽嘅存在。呢一切都係為了你，媽媽。」
Ariana獲獎不忘自嘲是「超齡冒起之星」。
至於憑大熱歌舞片《魔法壞女巫》（Wicked）獲頒「冒起之星獎」的Ariana Grande，今次是她從影以來首個重要電影獎，她上台領獎時不忘自嘲：「你唔知呢個對我嚟講有幾意義重大，我自從兒時已開始表演，所以我永遠都冇諗過31歲我會再聽到『冒起之星』呢個字，所以我想先多謝我兩個朋友：『肉毒桿菌針同透明質酸』。」
狄美摩亞亦有出席。
莎朗史東明艷照人！
Mikey Madison獲頒「突破性女演員獎」。
除了妮歌與Ariana之外，今屆獲《PSIF》表揚的還有安祖蓮娜祖莉（Angelina Jolie）、添麥菲查洛美（Timothée Chalamet）、Colman Domingo、Mikey Madison 、艾哲倫保迪（Adrien Brody）以及《毒王女人夢》（Emilia Pérez）與《教宗選戰》（Conclave）一眾卡士等。其中獲頒「沙漠棕櫚成就獎」的安祖蓮娜更在「契媽」英國老牌女星積琪蓮貝茜（Jacqueline Bisset）手上獲此殊榮，意義重大！
安祖蓮娜獲頒「成就獎」。
留了「二撇雞」的添麥菲獲頒「主席獎」。
