東網電視
更多新聞短片
笑匠周星馳早前宣布拍攝新片《女足》，籌備工作進行得如火如荼，大家都心急想知今次佢會同邊位演員合作，早前有傳佢睇中內地頂流王一博，去年就有傳二人積極斟談合作，估唔到近日網上就傳出佢要接拍嘅消息，更會同金雞獎影后張小斐一同合作，高質班底令人期待！
周星馳宣布拍《女足》，萬眾期待。
王一博人氣高外形好，係影壇新寵兒。
有傳佢傾好會加入拍攝。
網上消息指，周星馳新電影將於2月開機，而本身獲金雞獎影帝提名嘅王一博，近年投身電影圈，被讚部部精品，待映作品全亦係金雞班底超文藝片；張小斐則憑電影《你好，李煥英》獲金雞獎影后寶座，更係中國影史首位主演電影票房突破100億嘅85後女演員。雖然傳得熱哄哄，不過雙方粉絲都表示一切以官宣為準。
張小斐係影后級，實力有保證。
一切以官宣為準。
有傳2月會開機。
