東網電視
更多新聞短片

.
型男謝霆鋒同胞妹謝婷婷雖然分隔兩地,不過兄妹情常在,尋日(29日)大年初一,佢哋都要晒一晒家庭團聚相,當中謝婷婷就上載大批出街相,當中就難得一見疑似謝霆鋒同大仔謝振軒(Lucas)及二仔謝振南(Quintus)嘅背影合照,兩個仔都已經同爸爸一樣咁高,仲有霆鋒陪實婷婷愛女一齊跑上私人飛機嘅合照,極盡溫馨。

謝婷婷年初一晒母女合照,溫馨。

點少得阿哥謝霆鋒。

仲晒出疑似謝霆鋒(左一)同Lucas、Quintus行街相。

佢自己都有同best friend靚相。

舅父謝霆鋒陪謝婷婷愛女跑上私人飛機。
喺大批合照中,見到謝婷婷帶埋阿女周圍去,又同朋友打網球等,但最令人議論紛紛嘅一定係佢同阿女及一名神秘外國型男於私人飛機入面坐埋一齊嘅合照。因婷婷自2019年突然宣布誕下囡囡後,就轉做全職媽媽長居溫哥華,從未公開過囡囡生父身份,今次忽然同外國型男晒出疑似「全家福」,令大家都對呢位神秘男子身份好好奇。

咦,飛機上仲有位神秘外國型男。

唔知位男子同婷婷係咩關係呢?