東網電視
更多新聞短片

內地頂流女星劉亦菲去年憑《玫瑰的故事》再創事業巔峰,近日佢獲第三屆中國電視劇年度盛典頒發「總台視后」殊榮,並同另一位視后、演員宋佳牽手走上頒獎台,簡直威到盡。最近二人獲獎片頭終於被公開,見大會由《其實不想走》到《金粉世家》中劉亦菲及宋佳兩人以往嘅經典角色都搬上大螢幕,即場令兩人同時害羞,劉亦菲仲頭靠宋佳膊頭笑笑口,忽然造就二人嘅新CP!

劉亦菲獲頒「總台視后」,威爆。

劉亦菲台上播出自己曾經嘅經典角色片段。

劉亦菲頭靠宋佳膊頭笑,突然變出新CP!
劉亦菲於節目播出後,都非常識做,上載自己當日拎住獎杯靚相,仲貼切準備《玫》中代表自己角色嘅黃玫瑰花束,又留言:「非常榮幸獲得CMG第三屆#中國電視劇年度盛典# 年度女演員榮譽 感謝總台的肯定 感謝觀眾朋友們對黃亦玫的認可和喜愛 感恩這份特別的新年禮物」而佢於台上亦表現謙虛,指自己細個唔識做戲:「小時侯不太會演戲,感謝總台和《玫瑰的故事》,玫瑰也給了我力量,希望在演員這條路上堅定前行。」

黃玫瑰代表佢今次得獎角色。

劉亦菲謙虛表示自己小時侯唔識演戲。

今年繼續出擊。