東網電視
更多新聞短片
影帝周潤發（發哥）主演電影《唐探1900》大年初一喺內地上映，叫好叫座，為配合宣傳，近日佢就同內地10歲天才攝影師笙笙合作影大片，對方仲上載拍攝花絮，周潤發身穿大紅色青蛇冷衫現身，喜慶味十足，發哥同笙笙見面就大讚佢兩姊妹可愛，愛攝影嘅發哥一見到笙笙用菲林相機，都大感驚訝，合作非常愉快。
周潤發一見到天才攝影師笙笙兩姊妹，即刻展示nice爆一面。
幾有童真！
仲被笙笙讚佢可愛。
發哥喺拍攝過程中，親切地配合笙笙指示擺出唔同姿勢，笙笙面對巨星發哥亦毫不怯場，更大讚鏡頭中嘅發哥非常可愛，當發哥chok出嚴肅霸氣時，笙笙就大嗌恐怖，隨即「激嬲」發哥：「恐怖？你剛剛明明讚我很可愛！」最後nice爆嘅發哥亦親自揸機，同笙笙兩姊妹一齊自拍留念。
扮Chok又夠型。
天才攝影師鏡頭下嘅發哥。
Selfie不能少。
仲扮惡要笙笙讚自己。
