東網電視
更多新聞短片
蔡卓妍（阿Sa）與張繼聰孭飛的賀歲片《祥賭必贏》票房截止（31日）已經衝破4百萬，新片除了有洪嘉豪客串外，更有謝安琪（Kay）和岑珈驚喜客串現身。兩人分別飾演街坊女賭神及盲人賭徒，戲中Kay與阿Sa賭枱「決戰十三張」，兩人更大騷「牌技」，Kay表示：「其實我本身唔識玩十三張，要靠阿Sa教我點樣砌牌。另外導演仲請咗個美女魔術師，現場教我點樣洗牌，唔算好難學，花咗半餐飯時間就學識！」
首次參演賀歲片的Kay相當開心：「我一直好鍾意同屋企人入場睇賀歲片，所以今次有份參與特別開心，加上可以同張先生（張繼聰），又有我鍾意嘅演員包括阿Sa、朱康、阿卵合演一套喜劇，作為演員覺得係一件好夢幻嘅事。」Kay笑指拍攝期間親眼見證阿Sa成功表演「飛牌絕技」，令她嘆為觀止。
岑珈其在戲中飾演一位戒賭中心的盲人賭徒，他跟阿Sa出盡法寶力抗賭癮，對於能與阿Sa同場演戲感到興奮：「以前合作嘅電影冇乜機會同阿Sa對戲，今次好開心可以一齊飾演戒賭人士，埋位前睇劇本排戲我哋經已係咁笑，拍嘅時候都有笑場，大家都拍得好開心！」
Kay大騷「牌技」。
與阿Sa賭枱「決戰十三張」。
岑珈驚喜客串現身
