東網電視
更多新聞短片
视频观看次数: 8.1k
甄子丹愛女甄濟如去年強勢加入香港樂壇，她望蛇年能舉行迷你音樂會表演跳唱，並籌備5年大計，立志完成自己填詞的廣東話作品。至於新年她會四代同堂度過，向來乖女的她以往利是錢均會上繳媽咪，希望今年能實現利是自由。
甄濟如（Jasmine）首次挑戰以毛筆寫揮春，並以自己的名字「如」寫下恭賀說話，祝大家「如」意吉祥。雖然Jasmine首度即席揮毫，但有畫畫底子的她寫出來有板有眼，她透露去年更親自設計龍年利是封，因其公公屬龍，以此表達對公公的愛。講到農曆新年，她表示一如以往會跟家人食飯團年，加上今年太婆由外地來港，可以四代同堂慶祝，她自認親戚眾多，所以每年利是都會大豐收，問她會如何運用壓歲錢？她坦言：「我每年利是錢都係畀媽咪，或者今年可以試吓自己Keep番，不過我都幾慳，唔係好鍾意用錢，如果有錢會用嚟買嘢食或者買音樂器。」
甄濟如去年強勢加入香港樂壇。
甄濟如希望蛇年能舉行迷你音樂會。
甄濟如首度即席揮毫。
甄濟如有畫畫底子，寫出來有板有眼。
甄濟如與爸爸甄子丹感情要好。
向來乖女的甄濟如以往利是錢均會上繳媽咪，不過她今年希望能實現利是自由。
回顧龍年，Jasmine自覺滿意，亦達成自己的目標：「因為我好怕醜，所以我同自己講要Say yes to everything，去識唔同嘅朋友同適應唔同環境，首先我推出咗第一首廣東歌，我以前只係講英文同上海話，上年我第一次講廣東話，我一直都係識聽唔識講，我Push自己去電台做訪問，覺得自己進步好多，另外我第一次去頒獎禮，得獎者嘅發言好感動同好有啟發性，令我更努力。」問到蛇年的目標及對自己的期望，她坦言想推出更多作品，笑言要出一首「唱得」的廣東歌：「之前首廣東歌《次次》節奏太快，好難唱得好，希望可以出首慢歌。（自己填詞？）雖然我識睇近80%嘅中文字，但廣東話詞太難，今年應該做唔到，希望5年內可以啦！仲有想蛇年開個迷你演唱會，因為我多數係跳唱快歌，想同大家一齊跳舞。」
甄濟如籌備5年大計！
甄濟如立志完成自己填詞的廣東話作品。
仲想推出更多作品。
場地：Mini Central
