東網電視
更多新聞短片
影后余香凝遊走事業與家庭間作出平衡，有感農曆年有數天假期，她即「回歸」當全職家庭主婦，湊小朋友四出拜年，最難忘便是與3歲囡囡Clare齊齊化身廚娘，炮製齋蘿蔔榚，與家人分甘同味：「畀佢試吓切粒粒，跟住落鑊炒食材，佢全程都好有心機。當家人讚好味時，囡囡表現得好開心。」
一家四口又到濠江耍樂，余香凝更帶Clare睇次入戲院欣賞賀歲片：「佢聽到人笑，佢自己又笑埋一份，好似睇得明咁，真係大個女嘞。」而同經理人公司同事則拉隊到余香凝家作客團拜，主人家以「撈起」宴客，祝大家蛇年搵到盆滿缽滿，藝人們星途似錦。
恭喜發財！
余香凝與一對仔女同大家拜年！
余香凝仲有同囡囡整齋蘿蔔榚。
一齊分甘同味。
好得意呀！
