東網電視
更多新聞短片
經營美容生意嘅楊秀惠，2020年於馬來西亞秘密生女，及後2022年再誕下二女，一家四口溫馨過日子，而佢亦鮮有現身幕前，專心湊女。趁今日（4日）大年初七人日，佢再次公布喜訊，指自己趕得切生龍B：「很高興在農曆新年前迎接了新的家庭成員回家，我們全家人都很開心，兩位姐姐都很高興多了個龍弟弟🐲陪他們玩。多謝所有醫生和護士的幫忙，一切都非常順利。 感恩感激❤️祝大家新年快樂✨人日快樂🌸」
楊秀惠接受東網獨家訪問，表示：「BB趕得切農曆新年前返屋企，可以感受到熱鬧又喜慶氣氛，而兩個家姐成日都會望住又會輕輕摸下BB好錫細佬，見到呢個畫面係我最開心同溫暖。」
楊秀惠喜得龍仔。
趕喺農曆年前生BB。
翻查其社交網，楊秀惠一直未有公布懷孕消息，仲成日post出唔見肚靚相，估唔到佢收收埋埋原來已經大肚，去年10月多次同圈中好友見面時，合照更通通腹部扁平，保密功夫做到足。
原來之前個肚籮咁大。
收收埋埋。
早前見人時，佢都唔見肚。
推算日子，佢當時已經有孕。
