東網電視
更多新聞短片
內地影帝黃曉明因認戀網紅葉珂而鬧得滿城風雨，不過隨住佢刪走認愛post及葉珂退出所有社交網，外間視二人為暗示分手，惟近日有網民發現黃曉明帶父母遊福建時，驚見挺8個月孕肚嘅葉珂疑似同行，疑轉玩地下情。點知事件繼續反轉再反轉，葉珂閨密日前開Live時，就大爆料，表示女方大約一個月後就會生產，而且仲係BB女，唔少網友原本戥黃曉明開心，祝賀佢如願獲貴女，點知閨密就冒出一句：「他如啥願呢？黃曉明的確喜歡女孩，但他喜歡的不見得是葉珂生的女孩，這是個問題啊。」
黃曉明依家感情世界繼續成焦點。
黃曉明新年時帶父母遊福建。
有指佢身後女子就係大肚8個月嘅葉珂。
葉珂被閨密爆料下個月就會生女。
葉珂閨密強調，黃曉明不只一次喺綜藝節目表示「喜歡女兒」，但同時亦道出關鍵，舉例指自己雖然愛錢，但唔見得鍾意一個七老八十老頭子嘅錢，叫網友自己諗佢嘅弦外之音。除大爆生B時間外，網友又好奇黃曉明和葉珂到底分手未？閨密斬釘截鐵地回答：「分是分了，但是生不生？肯定是生。」再度引來網友對二人關係嘅好奇。
仲大爆葉珂同黃曉明已經分手。
係咪生女都未必關黃曉明事？
到底二人關係會點繼續發展？
