東網電視
更多新聞短片
陳彥行（行姐）和鄧兆尊這對螢幕情侶近日擔任清談節目《友乜唔講得》的嘉賓，兩人因拍攝處境劇《皆大歡喜》成為好友，談到拍攝趣事，兆尊被指對姐寸步不離兼照顧周到，兆尊坦言當時確是對對方有好感：「我係對你有少少好感嘅，但礙於我應承咗阿爸唔可以同圈內人拍拖。」行姐則指與兆尊Timing唔啱，亦認為與對方做朋友好過做情人：「我覺得佢對朋友好過對女朋友。」兆尊續指當年合作最怕與行姐拍床上戲，皆因相關場口行姐通常只除剩肚兜：「最怕同佢拍床戲，好驚嘅，我永遠唔敢瞓太近。」由於二人緋聞當年傳得鬧哄哄，二人爆料指一度被汪明荃捉入房追問戀情，過程爆笑。
另外，現場兆尊被問到「一個月要畀幾多錢家用各位太太」，他即拋下豪語指家用次次都是年結找數：「呢啲嘢一次過畀，用晒嘅再同我攞。（啲家用夠唔夠佢哋偶爾買名牌包包？）用家用買？佢哋唔會咁蠢嘅！」兆尊還大方透露了每位太太的家用分配，及直指做得他另一半通常不會是貪心的人：「我都話喇，你（對家用）要求太高嘅，你去勞工署唔好嚟搵我喇。」
陳彥行與鄧兆尊因《皆大歡喜》成為好友。
鄧兆尊認對陳彥行有好感。
所以拍床上戲最尷尬。
