東網電視
更多新聞短片
藝人龔嘉欣近日現身吉隆坡，期間接受媒體訪問，她透露由於時間有限，所以會選擇最掛念的當地美食來品嘗：「食咗肉骨茶同咖喱麵，好掛住呢啲風味，真係好鍾意馬來西亞，同埋大家都好鍾意我，所以好想再開一間店，未必係火鍋店，大家到時支持。」提到登上視后寶座，嘉欣稱覺得似發了一場美夢：「我做咗一個獎櫃，我將個獎放咗喺最高一格，我望住個櫃嘅時候，我會覺得獎真係好難攞，同埋畀咗我一個好大動力同鼓勵，我每日行出房就望到個獎，我就會諗我要做好每日工作。」事業得意的她嘉欣談到感情生活時，她笑言身邊親友很積極為她介紹對象，問到若遇到合適的人會否閃婚時，她坦言：「閃呀！」
龔嘉欣榮升視后後，飲食副業都同樣撈得好。
佢將視后獎座放喺獎櫃放最高一格。
每日行出房就望到。
提醒自己要努力工作。
